Горзоокийн булан

Намаржингаа блогдсоны гор гарч байна даа. Бөөөөөөөөн ажил. Хийгээд байхад улам их болоод байх шиг байна аа. За тэгсэн ч зангаа тавихгүй ганц бичлэг оруулчий. Юуны өмнө та бүхэн шинэ ондоо өнгөтэй сайхан орсон гэж найдаж байна. Би байхгүй ээ. Тас ханиад хүрээд, халуураад, алийгаа алдсан. 4 хоног орондоо хэвтлээшд. Хэхэхэ. За ер нь сүүлийн хэд хоногийнхоо сониноос бичнэ ээ.

Зул сарын эхний өглөө манай шар хүүхэн хар үүрээр бид 2ыг хөөж босгоод хамтдаа бэлгээ задлахаар суув. Тэгсэн шар хүүхэн маань харин би их сайн хүмүүжилтэй байсан болхоор өвлийн өвгөн надаа олон бэлэг авчирчээ. Та 2 харин намайг загнаад хүмүүжилгүй байсан тул ганц ганц л бэлэг авч байгаа юм гэнэ ээ. Яс юман дээр би тэр бэлэгнүүдийг нь цуглуулах гэж 2 өдөр ядартлаа дэлгүүр хэссэн гэж төсөөлөх ч үгүй байх шиг байна. хэхэхэ. Энэ дашрамд нээрээ нөхрийн маань бэлгийг их сайхан урлаж өгсөн  LUXLUX Цоомоодоо маш их баярлалаа. Бэлэг нь эзэндээ их таалагдсан шүү. За тэгээд зул сараар эндхийхэн чинь нугас, галуу шараад л байхаар нь дууриагаад нугас шардаг баатар болсон чинь нэг хачин хав хар юм болчихдог гэнэ ээ. Хань маань хөөрхий доторх мах нь их гоё болжээ гээд л идээд байх юм. Хайртай тулдаа л тэгсэн байхдаа. Харин шар хүүхэн маань харангуутаа муухай харыг нь гайхаад амсаа ч үгүй.

За тэгээд баяраар хэд хоног гэртээ суусан биш балиар ханиад хүрээд хэд хоног хэвтэвдээ. Тэгсэн шинэ жил болоод өөр хотруу явж найзуудтайгаа тэмдэглэнэ гэсэн юм. Дуртай юм болхоороо аспирин уугаад л, нөхөр хүүхдээ дагуулаад л галт тэрэгээр гараад өгсөн. Нээрээ тэр аспирин комплекс гээд үнэн сайн эм байна аа. Энд рекламдчий, яадийн. За тэгсэн чинь ер нь Горзоокийнх нь тэнүүлч, шоучин нь нотлогдсон гэж байгаан. Хэдэн найзыгаа хараад л, инээж хөхрөөд, ганц 2 коктейль уунгуут юун халуун, юун ханиад. Нөгөөдөх чинь зүгээр хачин цоглог, эв эрүүл болчихож байгаан бишүү. Нөхөр арай л чи худлаа өвдсөн юм биш биз гэж хардаагүй. За шинэ жилээр тэгээд салютаа буудуулаад шампанскаа уугаад сайхан л баярласан. Нэг найз маань харин гомо гэдгээ бидэнд мэдэгдэж найз залуугаа танилцуулсан юм байна. Яриа хөөрөөтөй дажгүй залуу байна лээ. Хэхэх.

За тэгээд бас ойрд уулзаагүй хэдэн монголчуудтайгаа уулзсан юм. Тэгсэн нэг танихгүй залуу байна. Танилцсан чинь харин жич таньдаг болж таарав. Хүмүүс түүнийг нээх сонин сумтай гээд л яриад л байдаг байсан юм. Би ч дотроо аан нөгөө сумтай залуу гээд байдаг энэ юм байна ухааны юм бодоод сууж байгаад юм уух гээд аяга хайсан чинь нөгөө залуугийн хажууд миний аяга байж байна. Тэгэнгүүт би "Сумьяа тэр аягыг дөхүүлэээд өгөөч" гэвэл яахуу. Хүмүүс нир хийтэл инээлдээд, би бантаад, дээрээс нь жинхэнэ нэрийг нь мартчихсан. Эрхмээ ч билүү, Энхээ ч билүү? Мэдхгүй ээ. Баларсан юм болсон. Нөгөө залуу чинь тэгсэн уурлаад жинхэнээсээ Сумьяатсан гэж байгаан. Хэхэхэ.

Шинэ жилийн дараа нөхрийн дүү охин, нөхөр 2 хүүхэдтэйгээ ирсэн юм байна. Герман нөхөртэй, монголд амьдардаг. Тэгээд жил болгоны шинэ жилээр хадмууд дээрээ ирэхдээ манайхаар бас ирдэг юм. Бужигналдаад сайхан л байлаа. 2 хүүхэд нь тас европ царайтай. Тэгсэн тас монголоор, бүр нээх инээдтэй хөгшин хүний яриагаар яриад байхын. Манай шар хүүхэн тэгсэн том хацарлчаад яг монгол царайтай. Тэгсэн тас германаар л яриад байх юм. Глобалчлал гэдэг нь л энэ юм байхдаа. Хэхэх. Дүүгийн том хүү нь 2 ой хагастай, бага нь бүр жоохон 10 сартай. Ойрд жоохон хүүхдүүд хараагүй бүр хайр хүрээд, арай л дахиад хүүхэд гаргачихсангүй. Миний шар хүүхэн харин бүр буурь суугаад эгч дүрэндээ ороод ёстой хөөрхөн байсан шүү. Харин ганц таалагдаагүй юм бол мээмний асуудал байлаа. Том нь дүүтэйгээ барьцаад л ээжээ мээм гээд л чарлаад байх юм. Тэгээд л ээжийгээ дарж аваад л 2 мээмийг нь гаргаад нэг нэгээрээ цээжнээс нь зүүгдээстэй. Ээж нь өдөржин л тэгээд мээмээ гаргаад хэвтээд байх юм. 2 хүүхэд нь ч тэгээд мээмнээс нь зүүгдээстэй байх юм. Хажуугаас харж байгаа би өмнөөс нь бүр ядарчихсан. Би ч уг нь хүүхдийг аль болох эхийн сүүгээр өсгөх нь зөв гэж боддог юм. Гэхдээ юманд чинь бас хэмжээ хязгаар баймаар санагдсан. Нэгэнт бор хоолонд орсон хүүхдийг бол л мөөмнөөс гаргах л хэрэгтэй гэж боддог юм. Би одоо монгол ахуйгаас ингэж их холдоо юу, эсвэл дээр үед ээж нар нь ингээд л мээмээ гаргачаал өдөржин хэвтээд байдаг байсан билүү? Гэр орны ажил гээд хийх юм их л байсан байлгүй дээ. Айн?

Зиак нэг иймэрхүү л байна даа. Баахан хов живний л юм биччих шиг боллоо. Зарим нэг хүмүүс намайг дандаа болсон явдал бичдэг гээд шүүмжлээд байсан. Шүүмжлэлийг уг нь их хүлээж авсан боловч зохиож мохиож бичиж чадахгүй юмоо. Тэхээр одоо ингээд өөрт тохиолдсон явдлуудаа л бичээд байхаас.    

  

 

Ta бүхэндээ цалин цагаан цастай, цагаан сахалт өвөөтөй, цайлган цасан охидтой шинэ жилийн баярын мэнд хүргэе! Бүгдээрээ баярынхаа өдрүүдийг сайхан өнгрүүлээрэй!

 

 

Зиак өнөөдрөөс амралт эхлээд би гэдэг хүн гэрийн эзэгтэйн төрхөндөө орчихсон байна. Нөхөр, охин албандаа явсан хойгуур гэрээ цэвэрлээд, дэлгүүр ороод ойр зуурын юмаа цуглуулчихлаа. Тэгээд ханийхаа дурлаад байдаг "Прага" торт хийхээр шийдлээ дээ. Угаасаа ойрд хийгээгүй юм байна. Өөрөө ч бас саначихаж. хэхэхэ. Тэгээд яаж зүгээр байхав зураг хөргийг нь аваад блогтоо тавьчихлаа даа. Хийх зааврыг бас дагалдуулав. Дуртай нэг нь хийж үзнэ биз дээ.

Орц:

Өндөг                                               3 ширхэг

Элсэн чихэр                                      400 грамм (зуурмаганд 200 грамм, шүүсэнд 200 грамм)

Цөцгий                                             200 грамм

Backing powder буюу сода                  1 уут буюу 1 цайны халбага

Молоко                                            1 лааз

Какао (нунтаг)                                  4 хоолны халбага

Гурил                                              250 грамм

Улаан вино                                      200 грамм буюу миллилитр

Масло буюу цөцгийн тос                  150 грамм

1. Юуны түрүүнд шарагч шүүгээ буюу духовка халаачих. Одоо 3 өндөгөө 200 грамм элсэн чихэртэйгээ холиод сайтар хутгана. Элсэн чихэр нь хайлаад зуурмагны өнгө цайгаад ирэх ёстой шүү. Тэгэнгүүт нь молоконыхоо яг талыг нь хийгээд хутгаад өг. Дараагаар нь цөцгий, сода буюу backing powder хоёроо хийгээд сайн хутга. Хэрэв сода хийж байгаа бол 1 цайны халбага сода дээрээ 1 цайны халбага уксус хийчээрэй. Пшшшшшшшш гээд хөөсрөөд ирнэ. Тэгэнгүүт нь зуурмагандаа хийгээд л хутгачих. Backing powder бол тэгэх шаардлага байхгүй шууд л зуурмагтаа хольчихоно. Бэлэн болсон зуурмагандаа гурилаа 2 халбага нунтаг какаотой хийгээд сайн хутгана. Гурилнууд нь бөөгнөрөхгүй болтол нь хутгана. Какаоны хувьд бол би  ямар ч хольцгүй гашуун какао хэрэглэдэг. Тэгэхээр яг гоё шоколад амтагддаг юм. Гэхдээ бас найруулж уудаг какао ч болно. Энийг хэрэглэх юм бол тортны маань өнгө жоохон цайвар бор болох ёстой. Мөн ийм какаоноос миний зааснаас 1 хоолны халбага илүү ордог юм шүү. За дээрх үйлдлүүдийг хэрэв зөв хийсэн бол эцэст нь нэг иймэрхүү зуурмаг болох ёстой.

2. За одоо тортоо жигнэх саваа сайхан тослоод (есийн тос буюу наранцэцгийн тосоор тослоно шүү), дотор нь бага зэрэг хуурай каша цацаад өгчих. Хуурай каша байхгүй бол талхны үүрмэг ч болно. Энэний ач холбогдол гэвэл тортоо савнаасаа салгаж авахад их амар болдог юм. Цацахгүй байж ч бас болно оо.

3. Бэлэн савандаа зуурмагаа юүүлээд, шарагч шүүгээ буюу духовканд шургуулаад мартчих. Хэхэхэ. Худлаа, худлаа мартаж болохгүй шүү. 180°C-т 40 минут жигнэнэ ээ.

4. За кекс маань болж байх хооронд сиропоо хийнэ дээ. Үүнд 200 грамм улаан виногоо, 200 грамм элсэн чихэртэйгээ холиод бага гал дээр 30 минут чанана. Тэгэхдээ бас хааяа хааяа хутгаад байх хэрэгтэй. Виноны хувьд бол улаан л бол ямар ч байж болно оо.

5. Вино маань болж байх хооронд тортныхоо кремийг хийнэ дээ. Ингэхдээ 150 грамм цөцгийн тосоо богино долионы зууханд (энэ бол би микроволновкаг орчуулахыг оролдсон байдал) хагас хайлуулна. Эхний зураг дээрхи шиг байдалтай болгоно гэсэн үг. Тэгэнгүүтээ баруун гараараа цөцгийн тосоо хутгаад, зүүн гараараа үлдсэн молокогоо цөцгийн тосруугаа бага багаар тасралтгүй гожуулна. За нэг майонез зуурч байгаа юм шиг. Энэ хооронд бас виногоо харж байхаа мартваа. Молоког гоожиж дуусахад крем ч бас ерөнхийдөө бэлэн боллоо гэсэн үг. Бэлэн болсон кремрүүгээ 2 халбага какао нунтаг хийгээд сайтар хутгаад, хөргөгчинд хийчих. Хөлдөөгчинд биш шүү. Крем маань хоёр дахь зураг дээрхитэй адил болох учиртай.

6. Энэ хооронд сироп маань бэлэн болсон байна. Бага зэрэг өтгөрчихсөн виногоо хөргөөнө. Ингэсээр байтал нөгөө 40 минут чинь өнгөрсөн ба духовканд байгаа кекс маань ч болчихлоо.

7. Кексээ бага зэрэг хөргөөгөөд хөндлөнгөөр нь зураг дээр харуулсан шиг 3 хэсэг болгож зүснэ. Нэг ийм таваг шиг хэлбэртэй болж байгааз. За хэцүү байвал 2 хэсэг болгосон ч болно. Энэ ч бас гарт ортлоо ч удна шүү. Хэхэхэ. Одоо нөгөө хөргөөсон сиропоо хавтгай кекснүүд дээрээ нялаад өгнө. Хамгийн дээд талын хавтгайг доош харуулж байгаад зүссэн талаас нь түрхээрэй. Сироп чинь кексэндээ шингээд доор байгаа хоёр дахь зураг дээрхи шиг болох ёстой.

9. За эцэст нь сироп нь шингэсэн хавтгай кекснүүд дээрээ кремээ нялаад, дээр дээрээс нь буцаагаад давхарлаад тавьчихана даа. Хамгийн сүүлд үлдэгдэл кремээрээ тортоо бүрэн нялахад доорхи зураг дээрхи шиг болно доо.

Одоо сайхан хөргөгчинд хийгээд тавичихад орой нөхөр охин 2ыг ирэхэд янзтай сайхан болчихсон байна даа.

Сайхан хооллоорой!

 

Эртээдээс хойш нэг бичлэг толгойд эргэлдээд байгаа мөртлөө бичих гэхээр болж өгөхгүй байсан юм. Өнөөдөр харин гүрийж байгаад биччихлээ. Хэхэхэ.

Би гэдэг хүн сайн ба зүс мэдэх гээд их олон танилтай. Гэхдээ тэдний дундаас яг найз гээд хэлчих хүн үнэхээр хуруу дарам цөөхөн юмаа. Намайг хүмүүс нүүрэмгий, хүмүүстэй танилцаж найзлахдаа амархан гэдэг ч яг хүнтэй жинхэнэ найз болохдоо бол их хойрго. Миний хувьд бол жинхэнэ найзууд болох процесс нь их удаан, цаг зав, сэтгэл их шаарддаг. Тиймээс би найзуудынхаа хүрээг нээх учиргүй тэлэх гээд хичээгээд байдаггүймаа. Харин танилууд бол өөр шүү. Танилцаад л, танилцаад л явчихана шүү дээ. За тэгээд тэр цөөхөн найзууд дундаас миний хамгийн хайртай нэг найз бий. Угтаа бол энэ бичлэгээ тэр найздаа зориулах гээд л ингээд олон юм нуршаад байгаа юм. 10 жилд байхдаа бид бол салдаггүй наалдан падууд байлаа. Өдөржин хамт, шөнөдөө нэг юм аргагүй эрхэнд гэртээ харьж унтахаар сална даа. За утас үнэгүй байхад бол найз охинтойгоо шөнөжингөө утсаар ярина шүү дээ. Өдөржин хамт байчихаад юугаа ч ярьдаг байсан юм бүү мэд. Хэхэх. Одоо бол хүн бүр өөр өөрийн амьдралыг хөөгөөд тас холбоо тасраагүй ч холоос бие биений сургийг гаргаад л явдаг болж. Гэхдээ хэрэв надаа ямар нэг юм тохиолдох юм бол миний найз л хамгийн түрүүнд гүйж байна гэж би бат итгэдэг юм. Бид 2 2уулаа шартай, зөрүүд. Гэхдээ миний найз насандаа баймааргүй намбатай ба хэрсүүд. Би бол угаасаа эрхийн маанаг. Хэхэх. Тиймээс бид 2т маргалдах, муудалцах юм захаас аваад л гардаг байсан. Одоо бодоход нээх инээдэтэй л проблемууд. Тэр үедээ бол ч тэрийгээ дөвийлгөөд л, уйлж унжаад, бие биедээ гомдоод л гачин юм болно шүү дээ. Хэхэх. Гэхдээ муудалцах болгоны дараа эргээд сайндах нь юутай сайхан.

Миний найз хэрсүү бөгөөд үнэхээр сайхан сэтгэлтэй нэгэн. Тусламж гуйсан нэгэнд хэзээ ч татгалзахгүй. Одоо эргээд бодоход сайн муугаар сэтгэлд үлдсэн амьдралын чухал мөч болгонд найз маань хажууд байж баярлахад минь баярлаж, уйлахад минь аргадаж, хэрэгтэй бол намайг загнаж байжээ. Аз болоход би энэ амьдралд хүн болсноор сайн аав ээжийн буянд дааж давшгүй мэт аймар зовлонг амсаж явсангүй. (3 нулимаад мод тогшив). Гэхдээ хүн болгонд өөрийн гэсэн ухаарал хайрласан хэцүү мөчүүд байдаг бизээ. Түүнтэй адил тэр нэг шөнө миний хувьд тийм л байсан. Ээжтэйгээ муудалцаад хар шөнөөр гэрээсээ гарч гүйчихээд хайчихаа мэдэхгүй явахдаа өөрийнхөө зөрүүд занг зүхэж явлаа. Алхаж явсаар холын хамаатны эгчийнд очиж хоночихоод араас эрж сураглаагүй гэрийнхэндээ гомдоод нойргүй хонож билээ. Өглөө нь сургууль дээрээ ирсэн чинь найз маань гэрийн халат дээрээ хүрэмээ өмсчихсөн нүүрээ ч угаалгүй нуухатай царайтай ирэх замыг минь тосоод сугуулийн хашааны гадаа хүлээгээд зогсож байсансан. Харангуутаа намайг тэвэрч үнсчихээд ээж аавынхаа санааг зовоогоод хаагуур хоноод ирж байгаа юм гээд л нээх үглэж билээ. Хэхэхэ. Тэгэхэд бид 15-16 настай л байсан байх. Анх 18тай байхдаа эр хүнд дурлаж, хаягдчихаад үхмээр байна гээд бас л хар үүрээр найзыгаа орноос нь босгож сандаргасан би муу найзаа. Хэхэх. Утсаар уйлаад байгаа намайг сонсогуутаа л бараг 15 минутын дотор хүүхдийн зуугаас 3р хороололд ирчихсэн нойрмог нүдтэй гэрийн шаахайтай амьтан манай үүдэн дээр зогсож байсан нь саяхан мэт. Би ч найзыгаа намайг аргадах юм байх гээд л эрхлэх гэсэн чинь эцэг эх чинь үхээ юу, өвчин зовлон, үхэл хагацал ирээ юу чи. Юундаа уйлаад, гай дуудаад байдаг юм. Тэгээд очиж очиж нэг хар юмнаас болоод шүү гээд л намайг зад загнаж босгоод,  нүүр гараа угаа гарья гээд л аваад гарч билээ. Тэгээд  баахан гадуур дагуулж явж сэтгэлийг минь сэргээж байсан юм. Тэгэхэд бид 2 бас л муудалцаж хөндийрөөд 4 сар болж байсандаа. Тэгсэн мөртлөө л хэцүүдэнгүүт би шууд л найзруугаа утас цохиж, найз маань ямар ч тайлбар хүсэлгүй над дээр ирж байсан. Дээд сургууль төгсөөд бид 2 бас л бие биенээс сураг тасраад 2-3 жил болсон байсан үе. Би гэдэг хүн тогоо шиг том гэдэстэй өнөө маргаашгүй төрөх гэж байдаг. Нөхөр маань өөр хотруу ажлаар явчихсан. Ядаж байхад шинэ хотод нүүж ирээд удаагүй. Таньж мэдэх хүн байтугай монголчууд ч байхгүй газар ганцаараа байхдаа гэнэт төрөх болчихвол ганцаараа яанаа гээд л байж байсан. Тэгсэн гэнэт газрын хаанаас гараад ирэв гэдэг шиг найз маань утас цохиод хагас сайнд очно, тосож аваарай гэж билээ. Тэгэхэд би нээрээ аймар баярлаад, бас удаан холбоогуй байсан найзтайгаа уулзана гээд баахан догдолж билээ. Надтай уулзах байтугай жирэмсэн гэдгийг минь мэдээгүй байгаа гэж бодож байсан найз маань манайд ирж надтай ханиндаа 7 хоночихоод нөхрийг маань ирэхэд буцсандаа. Хэхэх. Жилийн дараа мөнгөгүй болоод охиноо монгол явуулчаад, би хичээлээ хаяаад өөр хотруу ажил хийхээр явсан юм. Нэг нь ч гэсэн цаг алдалгүй сурах хэрэгтэй гээд нөхөр маань хотдоо үлдсэн. Хэдийгээр энэ нь түр зуурын байсан ч гэсэн би бас л их сэтгэлээр унаж билээ. Тэгэхэд энэ байдлыг маань мэдээгүй мөртлөө миний найз тохиолдлоор ойрхон хотод байж таарсан юм. Би мөнгөгүйдээ санаа зовоод найзыгаа дуудахад очиж чадахгүй халгаад байхад манай хүн шууд л олон юм ярилгүй хүрээд ирээ гээд би гэдэг хүн хоосон гуяа ганзаглаад найз дээрээ 7 хоног сайхан амарсан. Тэгэхэд миний найз бүхэл бүтэн жуулчны программ гаргачихсан намайг баахан зугаацуулсан шүү. Намайг нэрэлхээд байгааг харчихаад Горзоок минь битгий санаа зовоо. Найз нь одоогоор боломжтой байна. Ийм үедээ л чамайг баярлуулж авья гэхэд миний нүдэнд нулимс дүүрээд сэтгэл догдлоод баярлснаа хэлэх гэсэн чинь хэлж чадахгүй баахан бантсан шүү.  Сэтгэлд хамгийн тод үлдсэн явдлуудаас дурьдахад ийм байна. Ингээд бодохоор миний найз бол үнэхээр ерөөлөөр учирсан найз минь.Одоо бид байнга ярьж найзархахгүй ч бие биенийхээ сургийг сонсоод л явдаг. Гэхдээ миний сэтгэлд бол тэр миний жинхэнэ найз.

Миний найз угаасаа нийгмийн идэвхитэй, онц сурлагатай, олондоо нэр хүндтэй охин байсан. Одоо бол тэр монголын урдаа барьдаг мундаг мэргэжилтнүүдийн нэг. Өнгөрсөн хавар монголд байхдаа найз дээрээ очиход нүдэнд дулаахан сайхан монгол эрийн гэрийг гийгүүлээд, хөөрхөн жаахан охины ээж болсон байж билээ. Гэрээс нь жаргалтай айлын халуун дулаан уур амьсгал мэдрэгдээд орсон гарсан хүн болгоны сэтгэлийг дулаацуулж байсан. Хөөрхөн шар охиноо хөхүүлэн, царайнаасаа хайр гэрэлтүүлэн суугаа найзыгаа хараад үнэхээр миний найз ингэж жаргах тавилантай хүн мөнөөс мөн гэж бодохын хажуугаар сэтгэл нээх сайхан болсонсон.

Анх найзалж эхлээд 14 жил болоход одоо болтол найздаа ганц ч удаа баярлaлаа гэж хэлж үзээгүй би нээрээ муу найзаа! Энэ бичлэгээрээ дамжуулаад найздаа мангар том БАЯРЛAЛАА гэе!

Хайрт найздаа болон түүний гэр бүлд хамгийн сайн сайхан бүхнийг хүсэн ерөөе!

Ажил жаахан цэгцэрж арай завтай боллоо. Баахан банжигдаад үндсэн ажлаа мартчихсоон сайхан амьтан гүйж байсан чинь ажил гэж овоороод толгойны үснээс их болчихсон байдаг байгаа. Сүүлийн 2 долоо хоног баахан гүрийж байгаад арай жоохон дундрууллаа. Гэхдээ бас хийх юм зөндөө байна аа. Баярын дараа л үргэлжлүүлэхээс. Баларсан юм. Бодсон чинь паниканд ороод байх юм. Нээрээ цагийн юм цагтаа гэж их үнэн үг шүү. Одоо яахав өөрөөсөө л болж байгаа юм. Хэхэх. За байхгүй хойгуур банжиг шинэ жил болоод хүмүүс зад шоудсан байна. Зураг бичлэгнүүд үзэж уншахад баяр их сайхан болсон шинжтэй. Зохион байгуулагчдад мангар том баяр хүргэе! Зураг бичлэг үзэж баахан атаархав. хэхэхэ. Бичлэг, блогуудаар нь жич танил болсон хүмүүсийн нүүр царайг харсан чинь их сонин байсан шүү. Хэхэ. Миний төсөөлж бодож байснаас ихэнх нь зөрсөн. Гэхдээ муугаар биш шүү. Таарсан нь Гамп л байх шив дээ. хэхэхэ. За өөр ч энэ хэд хоног онц сонин сайхан зүйлгүй л өнгөрлөө. Өө нээрээ "Халуун сэтгэл" гээд Эрхэм элч студийн хийсэн кино үзлээ. Хөөрхөн кино болсон байна лээ. Баахан уйлсан. хэхэх. Үнэхээр өрөвдөлтэй, дээрээс нь бодит амьдрал дээрээс сэдэвлэсэн гэсэн чинь бүр өрөвдөөд, сэтгэл өвдөөд. Үзээгүй хүмүүс байвал www.mytv.mn сайт дээр байгаа. Намрын ажлаар сангийн аж ахуйд очиж ургац хураахад тусалж байгаа оюутнуудын тухай. Найруулагчид нь киноны гол сэдвийг хүний хувийн амьдралын драматай сайхан хослуулж чадсан санагдсан. Дээрээс нь манай залуу жүжигчид бас их чадварлаг сайн тоглосон байна лээ. Ямар ч л байсан би тэднийг уйлахад нь, дурлахад нь бас унтаж хэвтэхэд нь хүртэл итгэсэн шүү. Хэхэх. Одоо ингээд баярын амралтаар шар охин, хайрт нөхрөө баярлуулах ажил эхлэнэ дээ. Энэ 2той жилдээ нэг удаа зул сар, шинэ жилийн амралтаар л нэг дуртай хоол ундыг нь хийж өгөөд гэрийн эзэгтэй шиг байх юмдаа. Бусад үед бол завгүйгээ гайхсан хүүхэн л гүйгээд байдаг. Хөөрхий миний 2 ч тэгээд нээх гомдол мэдүүлэхгүй хийсэн хоолыг маань идчихээд л гүйгээд байна. Саяхан бас нөхрийн нэг төлөвлөсөн ажил нь жаахан бүтэлгүйтээд. Уг нь бол болох л байсан юм. Гэхдээ манай хүн жаахан хайнга ханадчихаж. Миний ч уур хүрээд л байлаа. Тэгээд үглэж загнаад уураа гаргачихий гэсэн чинь өөдөөс шрекийн нүд гаргачихаад нээх өрөвдмөөр царайлаад байхын. Дотроо өөртөө уур нь хүрээд шаналаад байгаа бололтой. Тэгэнгүүт сэтгэл өвдөөд за миний хайрт болно, хамтдаа эрүүл саруул байхад хүн ямар ч бэрхшээлийг давна аа. Сэтгэлээр унаад яахав гэсэн чинь сэргээд л ирж байна. Ингээд хэцүү үед нь ханьдаа түшиг болж чадсандаа их л өөрөөрөө бахархсан боловч нэг л болдоггүй ээ. Учир нь надад бас бүх юм болно оо гэсэн сэтгэлээр дэмжсэн үг хэрэг болоод, дээрээс нь нэг хүнд болсон явдлыг ярьж уураа гаргамаар байдаг. Би ч тэгээд угийн ямар нэг асуудлыг хэн нэгэнтэй заавал ярьж хэлэцэж байж санаа амардагийг хэлэх үү. Найз нөхөдтэй ярих гэхээр асуудлын гол буруутан хайрт нөхөр маань байдаг. Тэхээр ямар найздаа нөхрөө муулаад байлтай биш. Ээж, аавруугаа ярихаар холоос санааг нь зовоочихоно гэж бодоод чаддаггүй. Тэгэхэд л би чинь ер нь их муухай хүн юм байна гэдгээ мэдлээ. Учир нь шууд монголруу хадам ээжрүү утасдаад, хамаг учрыг яриад л, уйлаад л баахан өөрийгөө өрөвдүүлэнгүүт сэтгэл санаа сэргээд ирж байгаа юм бишүү. Хадам ээж маань хөөрхий санаа нь зовоод л лам хуврагаар явъя л гэж байна. Би нээрээ өөрийн ээж аавыг хайрлаад хэцүүгээ ярихгүй байж хадам ээжийгээ болхоор бодохгүй өөрийгөө бодоод санааг нь зовоож л байдаг онцгүй хүн байна аа. Ийм байхад хөөрхий хадам маань яаж ч намайг өөрийн охин шиг хайрлах вэ дээ! Нээрээ хэрэг алга.

За баяр болох гэж байхад нэг тиймэрхүү өөдрөг биш бичлэг оруулчихлаа. Уншиж байгаа хүн байвал хүлцэл өчье.

Эцэст нь та бүхэндээ ирж буй шинэ жилийн мэнд хүргэе! Дараа 7 хоногоос амрах тул завтай болох байх. тэр үед сайхан бичлэг оруулна аа.

 

Ёоооо хэдэн тоог нааш цааш болгосоор байгаад бүр толгой өвдчихлөө. Жоохон пауз авна аа. Паузаа ашиглаад ганц бичлэг оруулчий.

Өчигдөр ээжтэй утсаар ярьж энд тэндхийн сонин сонсоод. Ээж тэгсэн "Оогийгийн тоть нь үхээд хүүхдүүд нь уйлаад, тэднийх тоть хайгаад л гүйгээд байна" гэж байна. Оогий гэдэг нь манай хамаатны ах юм. Тэднийх 2 хөөрхөн хүүтэй ба хүүхдүүд нь 2 эгдүүтэй тоть тэжээдэг юм. Тэгсэн ийм юм болсон гэнэ ээ. Тотьнуудаа өдөрт нэг удаа торноос нь гаргаад гэр дотроо жоохон нисгэдэг юм байна л даа. Тэгээд л буцаагаад торонд нь хийчихдэг гэнэ ээ. Тэгсэн нэг өдөр нэг тоть торондоо орчихоод, нөгөө тоть баригдахгүй нисээд байж. Ядаж байхад зүгээр нисэхгүй, бүр хүн хүрэхгүй хөшиг тогтоодог модон (карниз) дээр суучаад хүүхдүүдээр нь тохуурхаад байсан гэнэ ээ. Хэххэ. Тэгсэн Оогий ахын шар нь хөдлөөд алив аав нь бариад өгье гээд хүүгийнхээ үрлээр бууддаг тоглоомон бууг аваад тотийг үргээх санаатай чиглүүлээд буудчихаж. Тэгсэн гай болж нөгөө тотио оноод, тоть нь байхгүй чад. Хахахха. 2 хүү нь газар үхэдхийн хэвтэх тотио гайхан харж байснаа зэрэг зэрэг уйлалдана биз дээ.  Эхнэр нь орой ажлаасаа ирсэн чинь аав тоть буудаад алчихсан гээд хүүхдүүд нь ховлоод. Оогий ах авгайдаа загнуулж дахиад нэг тоть олж ирэх үүрэг авсан гэнэ ээ. хэхэхэ. Тэр тоть чинь ганцаараа байж чаддаггүй юм байнашд. Одоо тэгээд торонд нь толь тавьчихсан нөгөө тоть нь зайлуул дүрстэйгээ тоглоод л байж байгаа гэнэ ээ. Хахаха. Баларсан юм. 

Өчигдөрийн хагас сайн өдөр их үр бүтээлтэй өнгөрч манайх гэдэг айл ёлка засав. Уг нь би өөрөө амьд гацуур засах дуртай. Даан ч эхлээд гадуур явж гацуураа сонгоно, гэртээ авчираж суурилуулна. Суурилуулж чимсэний дараа нөгөө гацуурны чинь жижиг ногоон навчнууд нь унаад гэрт хог болоод байдгийг цэвэрлэнэ. За тэгээд шинэ жил дууссаны дараа нөгөө гацуураа гаргаж хаяна гэдэг том ажил байна. Энд чинь одоо хууль дүрмийнхээ дагүү хаядаг газар нь хаяхгүй бол торгууль төлнө гэх мэт их ажиллагаатай байаг тул нөхөр бид 2 охиноо төрдөг жил нэг том хиймэл гацуур авсан юм. Тэрийгээ одоо жил бүр гаргаад л засна шүү дээ. Германууд манайд ирээд л хиймэл гацуур засчихсан байна гээд гайхаад л байдаг юм. Бид 2 тэгэнгүүт монголд ингэдэг юмаа гээд л амыг нь таглана. Хэхэх. Нээрээ монголд айлууд хиймэл гацуур тавьдагшд. Тээ? За ингээд хадуураад байдаг шүү. Уг нь бол гацуураа хэрхэн чимсэн тухай бичих гэсэн юмаа. Ер нь бол гацуураа чимэхэд нээх ч сүртэй юм болдоггүй л дээ. Гэвч энэ жил манай сахилгагүй шар том болоод, гацуур чимэглэх ажилд идэвхитэй оролцох оролдлого хийснээр уйлаан майлаантай л юм болов. Хэхэхэ. Иймэрхүү юм болж магадгүй гэж болгоомжлоод би хэдэн хуванцар тоглоом бэлдчихсэн юм. Тэрийгээ шар хүүхэндээ өгөөд л миний охин энэ гоё тоглоомнуудаа өлгөөд, ээж, аав 2 нь энэ муухай уйтгартай тоглоомнуудыг нь өлгөчий гэв. Яг үнэндээ бол тэр уйтгартай тоглоомнууд нь жинхэнэ шилэн гоё тоглоомнууд байгаа юм. За ингээд бүх юм санасан ёсоор болоод ёлканы тоглоом өлгөх ажил ид дундаа явж байтал гэнэт шар хүүхэн маань бид хоёрлуу бөөн сэжиг бүхий нүдээр харснаа, ингэхэд яагаад та 2ын тоглоомнууд гацуурны нүүрэн талд хүн болгонд харагдахаар өлгөгдөөд, миний тоглоомнууд гацуурны хойд талд хүний нүдэнд харагдахгүй байна? гээд л асуув. Хань бид 2 чинь хэрэг тариад газар дээрээ баригдсан хүүхдүүд шиг л хоёр биенээ харж бантав шив дээ. Хэлэх үгээ олохгүй байгааг харсан шар хүүхэн маань тээнгүүт хууртагдсанаа шууд ойлгон биз дээ. Ингээд л би энэ "уйтгартай" тоглоомуудыг чинь өлгөнө гээд л хошуу амаа унжуулав. Худлаа ярьж хүн хуурснаараа ээж аав 2 нь ч зөвшөөрхөөс өөр яахав дээ. Хэхэхэ. За ингээд л бүх төлөвлөгөө нурж бид 2 чинь ээжийн охин болгоомжтой, алив аав нь гэж ээлжлэн орилж, зүрхээ байн байн дарсаар арай гэж гацуураа чимж дуусахад 2уул бараг хэдэн жилээр хөгширсөн байхоо. Хэххэ. Гэхдээ олон өнгийн гэрэл цацруулан өрөөний голд сүндэрлэн байгаа гацуурыг харж баясах охиноо хараад буцаад залуужив. Хаха. Гэтэл аав унтлагны өрөөнд писи дээр сууж, ээж гал тогоонд хоол хутгах хооронд түрүүнээс хойш нүдэнд тусаад байсан аавын хайртай том шар бөмбөлөг намайг ав, намайг ав гэх шиг эргэлдэн гялалзаад шар охиныг минь зүгээр байлгадаггүй ээ. Өөрийнх нь мэдүүлснээр бол хөөрхий минь ээж гар хүрч болохгүй гэсэн гээд их л тэмцсэн байгаа юм. Даан ч 2 бяцхан гар нь өөрийн мэдэлгүй том шар бөмбөлөгийг мөчрөөс нь автал, бөмбөлөг амь орон газар унаад, хэдэн хэсэг болвоо хөөрхий гэж. Энэ хооронд ээж аав 2 өрөөнд орж ирээд, харсан юм нь тэдэнд огт таалагдахгүй байгаа нь нүүрнээс нь илт. Хамгийн хайртай бөмбөлөгийг хагарсныг харсан аавын царайг харсан хэргийн эзэн яг одоогийн бадлаар уйлж байж л хэргээс мултархаа ойлгов бололтой хамар нь үрчийн, ам нь мурийсаар уйлж эхлэв. Уйлах уйлахдаа бүр их чангаар орилж үзэж байна аа манай хүн. Хэхэхэ. - Миний охин яагаад уйлаад байгаан? - Мэдэхгүй. - Шалтгаангүй уйлж болдог юмуу? - Аав намайг загнах гээд байна. - Чи өөрөө буруу юм хийсэн байнашд. Ээж нь битгий тоглоомнуудаар оролдоорой гэж хэлсэн биз дээ. - Би гэхдээ оролдмоор байсан юмаа. - Ээж, аавынхаа үгэнд орохгүй болхоор аав нь уурлах нь аргагүй шүү дээ. - Ээж би шөнө та 2ын өвөрт орохдоо үүнээс хойш дандаа чиний талд унтаж байна. - Тэг, тэг миний охин. Яагаад аавынхаа талд унтахгүй гэж? - Яагаад гэвэл би чамд хамгийн их хайртай. Сүүлийн 2 өгүүлбэр бол арай уур багатай байгаа ээжид долигнож өөрийн талд урвуулах оролдлого байваа. 3 цагийн дараа. Ээж, аав, охин гурав буйдан дээр телевиз үзнэ. Сахилгагүй шар: - Ааваа би шөнө дандаа чиний талд унтаж байна аа. Ээж: - Чи түрүүн миний талд унтаж байна гэсэн биз дээ? Охин: - Тэгэхэд чинь би аавын тухай ярьж байсан юм. Чи ойлгоогүй юмуу? гээд нээх том хардаг гэнэ ээ. Хахаха. Энэ хүүхдүүд нээрээ элэг аваад хаячих юм. За манай шар бол мань 2ыгоо бүр яаж мадлахаа сайн мэдээд байх юмаа. Хэхэх.

Энэ миний шар хүүхэндээ. Тэр гацуурын урд талд арай хагарч амжаагүй шар бөмбөлөг байна.

Нөхөрт маань тохиолдсон нэг инээдтэй явдлын талаар бичээдхий.

Нөхөр маань 10 жилд байхдаа нэг охинд сайн болоод тэрүүнтэйгээ үерхэж гэнэ ээ. 10р ангиа төгсдөг жил нөгөө охин нь загвар өмсөгчийн курс гэдгийг төгсөөд энд тэндхийн шоу, концертэнд оролцоод манай хүнд олдохоо байж. Удалгүй танил найзууд нь ирээд л мань хүнд чи тэр охинтойгоо найзалж байгаамуу, энд тэнд хөгшин баян гаруудтай л яваад байдаг юм байна лээ гээд л хов хүргээд байж. Миний муу хайрт яахав дээ угийн сайхан сэтгэлтэй юм болхоороо олны хов живэнд итгэхгүй нөгөө охино хайрлаад л, итгээд л яваад байсан гэж байгаан. Тэгсэн нөгөө охин нь нэг өдөр ирээд уулзах хэрэг байна гээд л манай хүнийг дагуулаад явж. Тэгснээ жирэмсэн болсноо хэлээд, хүүхдийн эцэг нь бол чи гэсэн баяртай мэдээ дуулгасан байна. Хахаха. Тэр үед мань хоёр 1р курсын оюутнууд байж. Манай хүн ч хэлсэн үгэнд нь итгээд, аав болох гээд бөөн баяр болсон юм бишүү?  Ингээд ирээдүйн аав маань найз охиноо жирэмсэн болсон талаар ээждээ хэлэх хэцүү даалгаварын өмнө иржээ. Хэхэх. Энэ бол их хэцүү үүрэг байсан гэдгийг та бүхэн миний хуримын тухай бичлэгийг уншсан бол таамагалах буйзаа. Тиймээс ч мань хүн ээждээ хэлж чадалгүй нилээн хэд хоногийг явсан байна.

Нэг өдөр харин мань хүн жолооны курсын ангийнхантайгаа нэг газар пиво уун олон юм ярьж суутал харин нэг охин эрчүүдийн дүнхүүг гайхаад нотолгоо болгож нэгэн түүх ярьжээ. "Миний нэг танидаг загвар өмсөгч охин байдаг юм. Тэр тэгсэн нэг авгай хүүхэдтэй хүнтэй явалдаж байгаад жирэмсэн болоод хаягдчихсан. Одоо чи яанаа гэсэн чинь тоосон ч шинжгүй "Зүгээр зүгээр. Надад нэг сайн банди байдаг юм. Тэрүүнд очоод чиний хүүхэд гээд л хэлчихэнэ" гэдэг байнашд. Тэгсэн хамгийн инээдтэй нь тэр залуу нь тэгээд итгэсэн гэж байгаан" гэж яриад нөгөө өрөвдөлтөй залууг шоолоод л баахан инээж гэнэ ээ. Тэгсэн манай хүнд энэ түүх нэг л танил санагдсан тул инээд нь хүрээгүйгээр барахуу сэтгэл нь бүр түгшиж эхэлжээ. Хэхэх. Тэгээд нөгөө охиноос лавлаж асууснаар гол дүрийн дүнхүү банди өөрөө бөгөөд нөгөө аргатай хүүхэн бол өөрийнх нь хайртай хүүхэн гэдгийг мэдэж авч гэнэ. Нэгэнт бүх зүйл илэрсэн тул нөгөө охин ч тэгээд сураг нь тасарч манай хүн ээждээ хэлж амжаагүйдээ олзуурхан бурхан тэнгэртээ баярлаад өнгөрчээ. Энэ түүхийг сонсоод надад бүр тэнэг хүнийг тэнгэр ивээнэ гэдэг үг санаанд орж ирээд болдоггүй. хахаха. Дараа нь нөхрөө үхтэл нь шоолж инээсэн гэж байгаан.

За тэгсэн чинь энэ түүх чинь бүр 2р ангитай байсан байна. Хэхэ. Дээрх явдлаас хойш жилийн дараа манай хүн гадаадад сургуульд явж. Тэгсэн тэрийг дуулсан юмуу нөгөө хүүхэн дүү охиныг нь олж уулзаад хүүхдээ харуулаад энэ бол ахын чинь хүүхэд, намайг жирэмсэн болгоод хаясан гээд бас толгойг нь эргүүлсэн байгаа юм. Нөхрийн дүү тэрүүнд нь үнэмшээд ахынхаа муухайг гайхаад чадах ядахаараа хүүхдэд нь туслахаар сэтгэл шулуудсан ба нөгөө хүүхэнрүү ээжээсээ нуун байж мөнгө зөөгөөд зогсохгүй хүүхдийнх нь зургийг түрүүвчиндээ нандигнан хадгалж явдаг болсон байна.(Энэ нөхөр ер нь манай охины зургийг тэгж хадгалдаг билүү гээлүү? Хахах) Ашгүй манай хүн амралтаараа гэртээ ирэхдээ нөгөө зургийг нь харснаар хэргийн учир тайлагдаж нөгөө хүүхэн нэг юм чимээгүй болж. Хаха.

Ёоо ийм юм байж болох уу таминь ээ? Тэр хүүхэн нээрээ бас аймар аргатай байна уу? Гэр бүлээр нь толгойг нь эргүүлчихсэн. Гэхдээ нөгөө санаа муутын заяа муу гэгчээр оролдлогууд нь бүтэлгүйтэж миний муу хань чинь надаа элдэв татлаа түтлээгүй хүрээд ирсэн юм. Хэхэ. Энэ явдал 90ээд оны дундуур болсон гэхээр одооны охидууд бүр айхтар болсон биз. Тэхээр залуучууд минь сонор сэрэмжтэй байхгүй бол ингээд хүүхнүүдэд мадлуулах нь байнашд. За санаа сайхантай манай нөхөр мэтийг нь бас ингээд бурхан харж үздэг байна. Хэхэхэ.

P.S.: Ингээд байж байсан чинь нөгөө хүүхэн надруу утасдаад би танай нөхрийн хүүхдийг гаргасан гэвэл яанаа? Тэр ер нь магадгүй л нөхөр шүү. Хахаха.

За та бүхэн санаж байгаа бол урьдны нэг бичлэг дээр нөхөр бид 2 чинь хуурамч үнэнч нь нийлээд 2 гэрлэлтийн баталгаа ба нэг хүүхдийн төрсний гэрчилгээтэй болсон билээ. Тэр үйл явдлаас хойш 3 жилийн дараа охин 3 нас хүрж үсийг нь авах болов. Эмээ өвөө 2 монголд ирж хүүхдийн үс ав гэж залигдсан болхоор охин бид 2 Монгол нисвээ. 2 долоо хоногийн дараа аав хойноос ирсэн юм. Нөхрийн ажил тэгж таарсан бөгөөд 3уулаа зэрэг монголд очихоор хаана байхаас шалтгаалаад л бөөн проблем болдог тул ингэж зохицуулсан юмаа. Би ээж аавындаа баймаар байдаг, хадам ээж хүүгээ хажуугаасаа хөдөлгөхгүй. Хэхэхэ. За тэгээд л монголд байх хугацаандаа найзлаад л гүйгээд байнашд. Орой болзоод л найзуудтай шоудаад л харих болхоор манай нөхөр намайг хүргэж өгөөд л өөрөө гэртээ харина. Хахаха. Эхний 2 долоо хоног чинь хачин сайхан байваа. Би хушуу амаа унжуулж ээж аавдаа эрхлээд л охинтойгоо барьцаад л, дэлгүүр хоршоо, баар саваар хэсээд л, найз нөхөдтэй уулзсан шиг. Ханийг ирэхээр охины үсний найр хийнэ гэсэн болхоор өөртөө бас нэг монгол загвартай даруухан платье маягийн юм захилачив. За тэгээд нөхөр ч удалгүй ирсэн тул бид 2 нөгөө элчинд батлуулсан гэрчилгээгээ монгол гэрчилгээгээр солиулах гээд иргэний бүртгэлийн газар очвоо. Тэгсэн яасан гээ? Тэр компьютер нь бид 2ыг 2ууланг нь урьд нь гэрлэж байгаагүй гэдэг гэнэ ээ. Арай л бие биенээ танихгүй гээгүй байгаадаа. Хэхэ. Нөгөө хариуцсан байцаагч нь та 2ын энэ баталгаа яамар ч хүчингүй учраас дахиж батлуулаад гэрлэлтийн 500 000 төгрөгөө ав гэдэг гэнэ ээ. Хэхэхэ. Тэгээд л дахиж батлуулах болоод гэр гэрийн зүг явбаа. Орой нь тэгсэн харин хадам ээж яриад ирэх 4дэх өдөр бэр гуйгаад дараагийн 1дэх өдөр нь хурим хийнэ гэвэл яахуу? Хамгийн гол нь өнөөдөр нь бүтэн сайн өдөр байгаа юм. Би ч бүр тэрийж унаад, дороо дэвсэхээс наагуур л юм болов. Юун хурим бид 2 тийм юм төлөвлөөгүй, чадахгүй гээд л. Ингээд л маргааш нь би хадам ээж дээр очиж надад ийм их хүндэтгэл үзүүлж байгаад нь баярлаад гэхдээ хүүхдийн үс авах гээд амжуулах ажил их, цаг хугацаа давчуу байгаа тул сайн дураараа хуримнаас татгалзаж байгаагаа хэлээд харин бэрээ бол та өөрөө мэдээд гуйчих гэв. Хадам маань толгой дохиод л манай бэр ийм ухаантай гээд л үлдэв. Би ч ажлаа бүтээсэн гээд хачин баяртай хүн гэртээ ирсэн чинь ээж сая худ яриад, заавал хурим хийнэ гэж байна гэв. Нэгэнт ийм болсон хойно аав маань хадамтай ярьж байгаад хуримын ордонд орохгүйгээр хүлээн авалт хийх газраа батлуулахаар болов. Хүлээн авалтаа ч цомхон ойрын хамаатан садан нийлээд 60аад хүнээр тооцох болов. За тэгээд өглөө нь хүүхдийнхээ үсийг аваад, орой нь хурим. Нээрээ үнэн бөөндсөн байна уу? Хахах. Тэр нэг бэлтгэл ажлын 7 хоног бол би нөхрөө хараагүй ээ. Хайрт хань маань тас ээжийгээ дагаад л манийгаа мартаад алга болж өгсөн.  Уулзая гэхээр ээжээс асуугаадхий гэнэ? Хадам ээж бол надтай бүр юу ч ярихгүйгэр барахгүй намайг хүлээн авалтын хоолны цэсэнд байгаа салатны оронд өөр салат сонгоё гэж хэлснээс болж уурлаад манай ээжрүү яриад миний хүмүжилгүйг гайхав. Би ч бүр за удахгүй буцах юм гээд л тэвчээд л байсан. Нөхрийг бол чи удахгүй ээжээсээ хол миний гарт орохоо мэдэж байгаа биздээ гээд л занаад гээд байхгүй юу. Хахаха. Уг нь ч манай хадам ээж хөөрхий их сайхан сэтгэлтэй, олон түмэндээ хүндлэгдсэн, хүний төлөө гэсэн хүн байдаг юм. Бас эмэгэй хүн гэхэд үнэхээр чадалтай, 3 хүүхдээ хэнээс ч дутахгүй авч яваа гялалзсан хүүхэн. Хүүхдүүд нь ч үгнээс нь гарахгүй. Ганц гэм нь хүүхдийнхээ амьдралд орох гэж оролдлого их хийдэг ба хүнтэй ярьж зөвлөлдөхгүйгээр хүний амьдрал шийдчих гээд байдаг юм. Манайх болхоор их ардчилсан гэр бүлээ. Ээж бол миний хамгийн сайн найз. Дүү бид 2 ер нь бол өөрсдөө л шийдвэр гаргаж өөрсдийнхөөрөө л амьдардаг. Их чухал шийдвэр гаргахдаа аавтай ярилцаж тохиролцоно. Аав маань зөвлөгөө өгнө үү гэхээс хэзээ ч бодол санаагаа тулгахгүй. Хэххэ. За ямар ч байсан ингэж тэгсээр бэр гуйх өдөр болов. Яг бэр гуйх цаг нь өглөөний 9өөс 10ын хооронд ч билүү таараад. Тэгсэн нөгөө бэр гуйгч нар маань ирдэггүй ээ. Тэгсэн яасан? Урьд өдөр нь нөхөр найзуудтайгаа шоудаад өглөө нь нам шартчихсан. Хөөрхий муу хадам ээж маань хүүгээ босгох гээд гурил зуурж, бантан хийж гүйгээд баахан сандарчихсан амьтан ярьж байна. Хэхэ. За тэгээд бэр гуйхаар 4 сайхан залуу 1 шартаад хачин муухай царайтай болсон сүйт залуу манайд ирэвээ. Би ч цаад өрөөндөө нуугдаад харагдаж болохгүй. За тэгээд л үгээ хэлэлцээд л бэлэг сэлтээ өгөөд л, тэгсэн нэг залуу морин хуур гаргаж ирээд л хачин гоё хуурдав. Манай ээж, аав 2 нөгөө өгөхгүй энэ тэр гээд л томроод байсан чинь гэрийн минь жаврыг үргээж өглөө гээд л уйлаад манийгаа өгөөд орхивоо. Ингээд л би гэдэг хүн 5 залууд чирэгдээд, эргэж харж болохгүй ба хадамындаа дор хаяж 3 хонох  тушаалтайгаар хүний хүн боловоо. Хахаха. Очоод шинэ бэр гээд л цугласан олонд хоол цай хийж өгөөд. Бэрээ авчирсан гээд тэнд чинь зүгээр найрлаад өдөржингийн юм болсон. Тэр хооронд эгч гэрлүү утсаар яриад аавын том ахыг найрсаар байгаад 3 хоногийг 1 болгож чадав. Хэхэ. За ингээд маргааш нь буюу 5 дахь өдөр нь би гэртээ хариад бүтэн сайнд болох хуримын бэлтгэлд гарваа. Надаа палааж байхгүй тул нөгөө захиалсан юмаа өмсөх болсон юм. Тэр нь ядаж байхад бор өнгөтэй. Дээрээс нь өвөл байсан болхоор олигтой туфль ч олдохгүй. Ээж бас бэргэн, худ эд нарт бэлэг сэлт гээд дэлгүүр явна гээд байдаг. Ёоооо нээрээ үнэн стрестэй байсан шүү. Би нэгэнт иймэрхүү юм болж байгаа юм чинь дотны хэдэн найзаа дуудчий гээд хадам ээжээс хэдэн урилга авья гэсэн чинь үочдын тоо 200 хүрсэн байхгүй гэдэг гэнэ ээ. Тэгэнгүүт л бүр тэвчээр барагдаад чаддагаараа нөхөрлүү яриад би тэр хачин юманд чинь оролцохгүй чи тэр ээжтэйгээ 2уулаа хуримаа хий за юу гээд л утсаа шидчихсэн. Удсан ч үгүй манай ээж яриад намайг муухай ааштайгаар дуудаад тас загнав. Гайхаад юу болсныг асуутал хайрт хадам ээж ээжрүү яриад миний хүмүүжилгүйг гайхаж гэнэ ээ. Бөөн юм болсны эцэст хагас сайны үдээс хойш би 10 урилгатай болсон боловч харамсалтай нь маргааш нь 4 цагаас хуримтай гэж байхад би хэзээ нь урилгаа тараах вэ хүмүүсээ? Гэхдээ яахав ямар ч байсан хэдэн дотны найзууд ирэх болов. За ингээд хуримын өдөр ч боллоо. Өглөө нь 10 цагт ойрын хамаатнууд цуглаад охины маань үсийг авав. 12 цагт арга хэмжээ дуусаад би үсчинрүүгээ явж үсээ засуулнэ гэтэл хадам ээж өөрийнхөө үсчнийг авчирсан байгаа тэрэн дээр оч гэж байна. Би үгүй би өөрийнхөө үсчин дээр очмоор байна гэтэл хадам уурлаж нөхөр ээж 2 надруу муухай харваа. За бас хэрүүл болчих юм болвуу гээд л нөгөө үсчин дээр нь очоод засуулваа. Анх удаа миний үсийг засаад тэгсэн юмуу ямар ч байсан тэр үсний засалт надаа үнэхээр зохиогүйгээр барахгүй намайг лав л 5 насаар хөгшин харагдуулж байсан байх. За тэгээд л хурим ч боллоо. Тэр заалаар дүүрэн хүн. Бид 2 нь хойморт нэг ширээн дээр суучихсан. Давсгаа дүүргэхгүйн тулд пиво ууж болохгүй, согтохгүйн тулд архи ууж болохгүй. Ингээд ус уугаад л суугаад байна. За тэгээл хүмүүс ирээд л бэлэг өгөөд л үнсээд л байна, үнсээд л байна. Ядаж байхад тэр хүмүүсийг нь би ер танихгүй. Хадам ээжийн 10 жилийн, дээд сургуулийн, хуучин ба шинэ ажлын хамт олон ба бага, залуу, өтөлж яваа насны найзууд. Нийлээд 140 хүн. Үлдсэн 60 нь 2 талын хамаатан садан ба бид 2ын ойрын найзууд. Хүн болгон ирээд л хадам ээжээ хайрлаж яваарай гээд л байх юм. Бүр хурим ч юмуу, хадам ээжийн найр ч юмуу мэдэхгүй юм болсоон. Хэхэхэ.

За миний хурим гэж нэг ийм л юм болсон юмдаа.  Би одоо тэр хуримыг ярих үнэн дургуй. Дурсдаг ч үгүй. Бүх зурагнуудаа нуучихсан. Хурим ч гэждээ манай хадам ээжийн шоу. Хэхэхэ. Бид 2 монголд байдаггүй болхоор хүмүүс дандаа мөнгө бэлэглэсэн юм. Бид 2 тэрнээс нь нэг төгрөг ч аваагүй ээ. Би тэр үед хадам ээжийнхээ сэтгэлийг бодоод л бүгдийг нь тэвчээд л өнгөрсөн. Гэтэл тэр хуриман дээр манай хадам миний хүүг хайрлаж яваарай гэж надад хэлснээс эргээд тэр үгээ хүүдээ ганц ч хэлээгүй. Одоо бол би хадам ээжийгээ амьдралдаа нээх ойртуулдагүй. Тэр нь ч амар байдаг юмаа. 

Эргээд бодож байхад 7хон хоногийн дотор бүхэл бүтэн хурим босгосон манай хадам ээж бол үнэхээр олонтой, мундаг эмэгтэй. Харин эр хүний уужим ухаан гаргаад эхнэр, ээж 2оо зохицуулж чадаагүйд нь нөхрөө жоохон чамладаг юм. Хэхэхэ. Гэлээ гээд яахав дээ хайртай юм чинь....

 

Энэ хүмүүсийн бичлэгүүдийг уншаад байсан чинь ер нь монгол бүсгүйчүүд маань хамаг муу юм нь бүрдчихсэн юм бишүү? “Охидууд минь ухаантай бай ” л гэнэ, “Монгол хүүхнүүд устаж алга болоосой л ”гэнэ... Уншаад байсан чинь гэнэт гэдэн хөдлөөд хүүхнүүдээ жохон өмөөрмөөр санагдчихлаа.

Би хэдэн сарын өмнө монголд 4 сар ажилласан гэж ярьж байсандаа. Тэр үед ажигалсан зарим нэг зүйлээсээ хуучлая. Нөхөр эндээ үлдсэн болхоор арай жоохон чөлөөтөй найз нөхөдтэй уулзаж баар саванд суух боломж олдсон юм. Тэгсэн чинь манай монгол чинь нээрээ жинхэнээсээ гэрлэлтийн насны эрчүүдийн дутагдалд орчихсон байна аа. Хаашаа л харна нөхөргүй хүүхнүүд. Ажиглаад байхнээ харин нөхөргүй хүүхнүүдийн маань ихэнхи хувийг боловсролтой, ажилтай төрөлтэй, ер нь бол амь амьдралаа хэний ч гар харахгүй аваад явж байгаа бүсгүйчүүд эзэлж байна. Жоохон боловсролгүй, одоо нөгөө нийгмийн эмзэг хэсэг гэдэгт багтдаг хүүхнүүд бол нөхрийг бол нээх зоволгүй олоод байгаа шинжтэй. Ингээд харахаар залуучууд хангалттай л байна, даан ч хүүхнүүд маань тэднийг тоохгүй байна аа. Нээрээ яаж ч тоохов дээ. Хичнээн хайртай дуртай байлаа ч эр эм хоёрыг холбох өссөн орчин ижил ч юмуу, ярианы сэдвүүд ойролцоо, ижил хобби гэх мэт хүчин зүйл байжээж л амьдрал цэцэглэнэ шүү дээ. Тэгээд ч эмэгтэй хүний мөн чанар нь ямагт өөрөөсөө илүү эр хүн хайж байдаг. Тэгтэл ихэнхи залуучууд маань хүүхнүүдийнхээ шаардлагыг хангахаа больсон байна шүү дээ. Мэдээж мундаг мундаг олон залуучууд байна аа. Даан ч мундаг хүүхнүүдийн маань тоо нь илүү юм. Тиймээс ч тэр залуучууд чинь дорхноо борлогдчихдог болхоор цөм эхнэр хүүхэдтэй. Хүүхнүүд маань гэтэл бас л хүнтэй сууж хүүхэд гаргамаар байдаг. Тэглээ гээд хаа хамаагүй хүнтэй суултай нь биш. Ингээд л эхнэртэй ч байсан хамаагүй эрчүүдийг эргүүлнэ биз дээ. Эмэгтэй л хүн болхоор бас л өөрийн гэсэн аз жаргалыг олохын тулд тэмцэж л байна. Энд хамгийн муухай хүмүүс бол МBA залуучууд. Тэр нь married but available гэсэн үг ба үнэхээр монголд байгаа эрчүүдийн ихэнхи хувийг эзэлж байна. Хүнтэй танилцахдаа л шууд  “Миний нэр Батаа, МBA” гэж танилцуулж байнашд. Тэгээд тэд нар чинь эхнэр хүүхэд мэдчихэнэ, гэртээ оройтож очно гэж санаа нь ч зовохгүй юм. Зүгээр л хээв нэг бусад хүмүүсийн хажууд тоох ч үгүй утсаар эхнэртээ худлаа яриад л сууж байх юм. Эхнэр ч нөхрийг юу хийж явааг мэдээж мэдэж л байгаа. Гэхдээ хэрүүл уруул хийж салж чадахгүй. Учир нь орных нь хүн хүлээгээд зогсож байгаа гэж боддог. Эхнэрт харин дахиж ийм сайн нөхөр олдохгүй гэдгийг найз хүүхнүүд болон гэр бүлийнх нь сайн ойлгуулсан.  Ингээд л тэвчээд л орондоо дэрээ тэврээд л нөхрийг хүлээн шөнийг өнгөрөөнө. Ингээд бодохоор хэн ийм амьдрал сонгох сонирхолтой байх юм бэ? Тэгэж ховордсон монгол залууг хайж байснаас хажууд байгаа гадаад хүнтэй суусан нь дээр биз дээ. Хичнээн хэл ус, яс үндэс өөр ч гэсэн МBA биш бол үзээд алдахад яагаад болохгүй гэж. Тэд чинь бидэнтэй л адилхан хүмүүс. Гэтэл одоо энэ Мянганбаяр ч гэнэ үү монгол өвөө нар бас монголд алхам тутамд л тааралдаж байна шүү дээ. 16-17той охид тэврээд л нэг л сайхан хүмүүс. Насанд хүрээгүй хүүхдүүд бэлгийн замруу уруу татаж байгаа тэднийг бол би Педофиль л гэнэ. Тэд нар нөгөө монгол охидоор минь тоглоод байгаа хужаа, солонгос өвөө нарааас юугаараа өөр юм бэ? Монгол гэдгээрээ юу? Тэгтэл тэднийг буруутгаж байгаа хүн алга аа. Харин нөгөө уруу татагдаад байгаа охидуудыг нь янхан банзлаар нь дуудаад байх юм. За Мянганбаяр тэгээд хятад байсан бол хөөрхий муу Пүрэвсүрэн одоо алуулдаггүй юмаа гэхэд халзан л тууж яваа байх даа. Энэ одоо Пүрэвсүрэнгийн замыг нь заасан Мянганбаярын буруу юу учраа мэдэхгүй жаахан охин Пүрэвсүрэнгийн буруу юу?

За эцэст нь хэлэхэд хүмүүсээ битгий бүсгүйчүүдээ ингэж муу муухайгаар дуудаж байлдаа. Хүний охин үр адилхан л аз жаргалаа хайгаад л, тэмцээд л явж байна. Тэд ч гэсэн аз жаргалтай байх эрхтэй. Монголдоо олдохгүй байгаа юмыг хилийн чанадаас хайж байгаа нь тэдний буруу биш. Тэдний замыг эрчүүд та нар л заана шүү дээ. Эцсийн эцэст монгол залуучууд биш хүүхнүүд нь гадаадруу илүү борлогдоод байгаана монгол эрчүүдийн монголоо гэсэн сэтгэлээс л лав болоогүй байх.